Приветствую Вас ГостьСреда, 03.06.2020, 00:58

Свт.НиколайНикольский храм
Сайт прихода во имя Святителя Николая Чудотворца
г.Волчанска, Нижнетагильской епархии
Екатеринбургской митрополии
Московского патриархата


Молитва Собору Екатеринбургских святых

Молитва ко всем святым земли Екатеринбуржския:

О предивнии чудотворцы и велицыи угодницы Божий, вси святии, в земли Екатеринбуржстей славно просиявший! Предстояще престолу Пресвятыя Троицы, призрите милостивным своим оком на ны и на вся люди, к заступлению вашему притекающия. Услышите нас, молящихся вам и чтущих всечестную память вашу. Прострите руце свои ко Владыце небеси и земли, яко да соблюдет в мире и благоденствии страну нашу, Церковь да сохранит от гонений, ересей и расколов; умолите милостиваго Бога нашего, отвратити от нас всякий гнев праведный, на ны от Него подвигшийся, грех ради наших. Сохраните не точию Екатеринбуржскую землю, но и вся грады и веси Отечества нашего, и вся страны христианския, и люди в них живущия, от града и глада, от труса и потопа, от зноя и мраза, от огня и меча, от нахождения иноплеменных и междоусобныя брани, от смертоносныя язвы и от всякаго зла. Исходатайствуйте, сильным вашим пред Богом предстательством, пастырем Церкве нашея мудрость духовную и ревность священную о спасении пасомых; градоначальником и судиям страх Божий, правдолюбие и безкорыстие; воином терпение, мужество и на враги одоление; супругом любовь, верность и согласие; куплю деющим праводушие, земледельцем трудолюбие; сирым призрение, обидимым заступление, оклеветываемым оправдание; всем же нам даровати вся яже в жизни временней потребная и к вечному спасению полезная. Ей, святии Божий, помозите нам избежати пагубных сетей диавольских, препобедити соблазны мира сего, противу спасения нашего ополчающагося, наставите ны твердо в вере православней подвизатися. Потщитеся благоприятным вашим ходатайством умолити Господа, да низпослет нам тихое и Богоугодное житие, уврачует Своею благодатию наша недуги душевныя и телесныя, согреет сердца наша любовию друг ко другу и сотворит ны братолюбны и единомысленны. Да дарует нам Господь вашим предстательством во искушениих мужество, в злостраданиих терпение, в молитвах постоянство; егда же приидет час кончины нашея, да утвердит Он мир Свой в душах наших, да и мы в истиннем покаянии и чистым сведением совести нашея, предстанем ко Господу, и сподобимся деснаго стояния, и со всеми святыми воспоем славу Отцу, и Сыну, и Святому Духу во веки веков. Аминь.
Фотоальбом
Помощь сайту
На WebMoney
R681537362252 - в рублях
Через банкомат или
платежный терминал
Распечатай инструкцию
Статистика
Сайты города
Поиск по сайту
Новости епархии
Погода
Архив записей

Copyright MyCorp © 2020 | Бесплатный хостинг uCoz